شیخ الاسلام مولانا اسحاق مدنی رحمہ اللہ کے خطبات پر مبنی کتاب "وحدت امت" ڈاؤن لوڈ کریں۔
وحدت و اتحاد ایک ایسی ضرورت ہے جس کی طرف اسلام بار بار دعوت دیتا ہے اور تاکید کرتاہے کہ جس امت کادین ایک، دینی شعائر ایک، شریعت و قانون ایک، منزل ایک اور خدا و رسول ایک ہو، اسے بہرحال خود بھی ایک ہونا چاہئے۔ یہی وجہ ہے کہ قرآن پاک نے جہاں امت کو ایک ہوکر اللہ کی رسی کو پکڑنے کی تاکید کی ہے اور افتراق و انتشار سے روکا ہے، وہاں خطاب واحد کے بجائے جمع کے صیغوں سے کیاہے۔ اس کا صاف مطلب یہ ہے کہ ہر فرد جزو امت ہے وہ کسی صورت میں امت سے جدا نہیں ہوسکتا ہے۔ وحدت امت کی فرضیت، اہمیت اور ضرورت کی اس سے بڑی دلیل اور کیاہوسکتی ہے کہ شریعت اسلام نے امت کو دن میں پانچ بار جمع ہوکر نماز قائم کرنے کاحکم دیا، پھر ہفتہ میں ایک بار اس سے بڑے اجتماع کے لئے جمعہ کو فرض قرار دیا اور پھر نماز عید کی شکل میں سالانہ اجتماع کا اہتمام کیا اور تاکید کی کہ یہ اجتماع آبادی سے نکل کر کھلے میدان میں منعقد ہو اور مردوں کے ساتھ عورتوں کو بھی اس میں شرکت کی ترغیب دی پھر اس سے بڑا اہتمام یہ کیاکہ فرضیت حج کے ذریعہ مشرق و مغرب، جنوب شمال اور دنیا کے اطراف و اکناف میں بسنے والی امت کو ایک مرکز پر جمع ہونے، ایک ہی جیسے لباس میں جمع ہونے، ایک ہی کلمہ ادا کرنے اور ایک ہی جیسے افعال ادا کرنے کا حکم فرمایا۔ انفرادی عبادت کے مقابلہ میں اجتماعی عبادت کی جو اہمیت ہے اس میں من جملہ دوسری باتوں کے امت کے اتحاد کا نکتہ بھی شامل ہے۔ اسی بات کو مدِ نظر رکھتے ہوئے مولانا اسحاق مدنی رحمہ اللہ کی ایک کتاب وحدت امت کافی اہمیت کی حامل ہے۔ جس میں انہوں نے وحدت امت کے موضوع پر دلائل کے انبار لگائے ہیں۔ اللہ تعالیٰ ان کی اس کاوش کو قبول فرمائے اور ہمیں اتفاق و اتحاد نصیب فرمائے۔ آمین.
کتاب کو ڈاؤن لوڈ یا آن لائن پڑھنے کا طریقہ کار
- کتاب کو ڈاؤنلوڈ کرنے کے لیے نیچے دیے گئے ڈاؤن لوڈ آپشن پر کلک کریں۔
- آپ کے سامنے کتاب Google Drive میں کھل جائے گی۔
- اگر آپ کتاب کو آن لائن پڑھنا چاہیں تو Scroll Down کر کے پڑھنا شروع کردیں۔
- اگر ڈاؤن لوڈ کرنا چاہیں تو اوپر دائیں جانب موجود ڈاؤن لوڈ icon پر کلک کر دیں ، آپ کی کتاب ڈاؤن لوڈ ہونا شروع ہو جائے گی۔
Download Wahdat-e-Ummat
0 تبصرے